រដ្ឋបាលស្រុកអូររាំងឪគោរពទង់ជាតិនៃព្រះរាជាណាចក្រកម្ពុជា ជារៀងរាល់ថ្ងៃចន្ទនៃសប្ដាហ៍នីមួយៗ

ក្រុមប្រឹក្សាស្រុក គណៈអភិបាលស្រុក មន្រ្តីរាជការសាលាស្រុក ប្រធាន អនុប្រធានការិយាល័យជុំវិញស្រុក និងតំណាងកងកម្លាំងប្រដាប់អាវុធទាំងបីប្រភេទរបស់ស្រុក អញ្ជើញគោរពទង់ជាតិ នៃព្រះរាជាណាចក្រកម្ពុជាជារៀងរាល់ព្រឹកថ្ងៃចន្ទ នៃសប្ដាហ៍នីមួយៗ នៅសាលាស្រុកអូររាំងឪ មុនចូលបម្រើការងារនៅតាមការិយាល័យ និងអង្គភាពរៀងៗខ្លួន។
សូមទស្សនានូវកម្រងរូបភាពខាងក្រោម៖

Facebook: អនុស្សាវរីយ៍ស្រុកអូររាំងឪ

Read More

ក្រុមបាល់ទាត់ឥន្រ្ទីយ៍ដែកស្រុកអូររាំងឪលើកពានថ្ងៃនេះ ក្រោមអធិបតីភាពលោក ងួន ប៊ុណ្ណាន អភិបាលស្រុកអូររាំងឪ

ពិធីប្រកួតបាល់ទាត់មហាជនដណ្ដើមពានរង្វាន់ ០៩ វិច្ឆិកា ក្រោមការឧបត្ថម្ភរបស់សប្បុរសជនក្នុងស្រុក និងក្រៅស្រុក និងអបអរសាទរពិធីបុណ្យអុំទូក បណ្ដែតប្រទីប អកអំបុក សំពះព្រះខែ នៅទីលានបាល់ទាត់វិទ្យាល័យ ហ៊ុន សែន អូររាំងឪ ថ្ងៃនេះ ត្រូវបានបញ្ចប់ក្រោមលទ្ធផល 2:1 រវាងក្រុមឥន្ទ្រីដែក និងក្រុម OreangOv united ។

ក្រោយការប្រកួតរយៈពេលពីរថ្ងៃ និងឆ្លងកាត់ការជម្រុះ 8ក្រុមចុងក្រោយ លទ្ធផលផ្ដាច់ព្រាត់ទទួលបានជ័យជំនះដោយក្រុមឥន្ទ្រីដែកស្រុកអូររាំងឪជាអ្នកនាំមុខ រហូតឈានដល់ការលើកពាននៅក្នុងថ្ងៃនេះ។

គួរបញ្ជាក់ផងដែរថា លោក ងួន ប៊ុណ្ណាន អភិបាលស្រុកអូររាំងឪ បានអញ្ជើញជាអធិបតីក្នុងពិធីប្រគល់ពានរង្វាន់ជូនដល់កីឡាករជ័យលាភី លេខ 1 លេខ 2 និងលេខ 3។ ក្នុងនោះផងដែរលោកក៏បានឧបត្ថម្ភជាថវិកា និងសម្ភារៈមួយចំនួនជូនដល់កីឡាករជ័យលាភីលេខ 1 ដល់លេខ 3 ដើម្បីជាការលើកទឹកចិត្តឲ្យកីឡាករទាំងអស់ខិតខំប្រឹងប្រែងបន្តទៀត។

ជាមួយនោះដែរ លោកអភិបាល បាននាំយកថវិការបស់ឯកឧត្តម អ៊ាង សុផល្លែត ប្រធានក្រុមការងារថ្នាក់ជាតិចុះមូលដ្ឋានស្រុកអូររាំងឪ និងថវិការបស់សប្បុរសជនឧបត្ថម្ភដល់ក្រុមកីឡាដែលទទួលបានចំណាត់ថ្នាក់ពីលេខ១ ដល់លេខ៣ និងគណៈកម្មការរៀបចំការប្រកួត ក្នុងនោះ ៖ 
       -  ក្រុមកីឡាដែលទទួលបានចំណាត់ថ្នាក់លេខ ១ ទទួលបានពាន ១ ថវិកា ១,០០០,០០០រៀល និងបាល់ចំនួន ០៥ 
      -  ក្រុមកីឡាដែលទទួលបានចំណាត់ថ្នាក់លេខ ២ ទទួលបានមេដាយ ១ ថវិកា ៦០០,០០០រៀល និងបាល់ចំនួន ០៣ 
      -  ក្រុមកីឡាដែលទទួលបានចំណាត់ថ្នាក់លេខ ៣ ទទួលបានមេដាយ ១ ថវិកា ៤០០,០០០រៀល និងបាល់ចំនួន ០២ 
      -  ឧបត្ថម្ភគណៈកម្មការរៀបចំការប្រកួត ថវិកា ១២០ដុល្លារ និងប្រជាការពារថវិកា ២០០,០០០រៀល

ដើម្បីទទួលបានរូបភាពជាច្រើនទៀតសូមចូលទៅក្នុង៖
Facebook: អនុស្សាវរីយ៍ស្រុកអូររាំងឪ

Read More

អភិបាលស្រុកអូររាំងឪ៖ អត្ថន័យនៃការពិសាអំបុក ការពារជាតិ សាសនា ព្រះមហាក្សត្រ ក្នុងទិវាបុណ្យឯករាជ្យជាតិ

សម្រាប់ថ្ងៃទី៩ ខែវិច្ឆិកា ឆ្នាំ២០១៩ នៅតាមបណ្ដាឃុំទាំង៧ នៅស្រុកអូររាំងឪ ក៏ដូចជានៅតាមការិយាល័យអង្គភាពជុំវិញស្រុក កងកម្លាំងប្រដាប់អាវុធ បានរៀបចំការទទួលទានអំបុកសាមគ្គីរួមគ្នា ក្រោមឈ្មោះថា អំបុកការពារជាតិ សាសនា ព្រះមហាក្សត្រ ឬ អំបុកខ្មែរថែជាតិ សាសនា ព្រះមហាក្សត្រ ក្រោមគំនិតផ្ដួចផ្ដើមរបស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ចំពេលដែលប្រជាជនខ្មែរទូទាំងប្រទេសរីករាយនៅថ្ងៃខួបអនុស្សាវរីយ៍លើកទី៦៦ ទិវាឯករាជ្យជាតិ ០៩ វិច្ឆិកាឆ្នាំ១៩៥៣ ដល់ថ្ងៃ ០៩ វិច្ឆិកា ឆ្នាំ២០១៩។

ពិធីទទួលទានអំបុកកាលពីថ្ងៃទី០៩ ខែវិច្ឆិកា ឆ្នាំ ២០១៩ នៅស្រុកអូររាំងឪម្សិលមិញនេះ គឺធ្វើឡើងចំពេលដែលបងប្អូនប្រជាពលរដ្ឋខ្មែរទូទាំងប្រទេស បាន និងកំពុងរីករាយអបអរសាទរនូវទិវាឯករាជ្យជាតិ ០៩ វិច្ឆិកា ទិវាកំណើតនៃកងយោធពលខេមរៈភូមិន្ទ ដែលពេលវេលានេះគឺជាឱកាសមួយដែលបងប្អូនប្រជាពលរដ្ឋទូទាំងប្រទេសបានជួបជុំគ្នាពិសាអំបុកការពារជាតិ សាសនា ព្រះមហាក្សត្រ ក៏ដូចជាត្រៀមខ្លួនអបអរសាទរព្រះរាជពិធីបុណ្យអុំទូក អកអំបុក បណ្ដែតប្រទីប សំពះព្រះខែ ដែលប្រជាពលរដ្ឋខ្មែរយើងតែងប្រារព្ធធ្វើជារៀងរាល់ឆ្នាំ ក្នុងការគោរពរំលឹកដល់វីរភាពនៃវីរបុរសទាហានជើងទឹកជំនាន់ដើមដែលបានពលីជីវិតក្នុងការធ្វើសឹកសង្គ្រាមតាមផ្លូវទឹក ព្រមទាំងរំលឹកដល់ព្រះគង្គា និងព្រះធរណីដែលបានផ្ដល់ការងារកសិកម្មដល់ប្រជាកសិករជារៀងរាល់ឆ្នាំ។

ដែលសកម្មភាពទាំងនេះពិតជាបានបង្ហាញយ៉ាងត្រចះត្រចង់នូវសាមគ្គីភាពរបស់បងប្អូនប្រជាពលរដ្ឋខ្មែរទាំងក្នុង និងក្រៅប្រទេស គឺបានមកដោយសារស្រុកមានស្ថេរភាព ក្រោមម្លប់សុខសន្តិភាពពេញផ្ទៃប្រទេសនិងអភិវឌ្ឍន៍គ្រប់វិស័យ។

ពិធីនេះប្រារព្ធឡើងដោយភាពសប្បាយរីករាយ ដែលនេះបង្ហាញឲ្យឃើញយ៉ាងច្បាស់ថាប្រទេសយើងមានសុខសន្តិភាព ប្រជាពលរដ្ឋរស់នៅដោយសុខសាន្ត តាមការអំពាវនាវរបស់សម្ដេចអគ្គមហាសេនាបតីតេជោ ហ៊ុន សែន ក្នុងការអញ្ជើញរួបរួមគ្នាពិសាអំបុកដើម្បីការពារជាតិ សាសនា ព្រះមហាក្សត្រ។ ការពិសាអំបុកនេះក៏មានអត្ថន័យប្រឆាំងដល់ជនក្បត់ជាតិដែលមានចេតនាប៉ុនប៉ងបំផ្លាញអធិបតីជាតិ បំផ្លាញសន្តិភាពនៅក្នុងប្រទេស នឹងបង្ហាញឲ្យឃើញថាប្រជាពលរដ្ឋសប្បាយចិត្តមានការយល់ដឹងមិនចាញ់ឧបាយកលរបស់ជនក្បត់ជាតិឡើយ។

Read More